செங்கல்பட்டு,செங்கல்பட்டு மாவட்டத்தில் உள்ள வருவாய் கோட்டங்களில் இன்று, விவசாயிகள் நலன் காக்கும் கூட்டம் நடக்கிறது.

செங்கல்பட்டு மாவட்டத்தில், விவசாயிகள் நலன் காக்கும் கூட்டங்களை வருவாய் கோட்ட அளவில் நடத்த கலெக்டர் அருண்ராஜ் உத்தரவிட்டுள்ளார். அதன்படி, செங்கல்பட்டு சப் - கலெக்டர் அலுவலக கூட்ட அரங்கில், விவசாயிகள் நலன் காக்கும் கூட்டம், சப்- கலெக்டர் மாலதி ஹெலன் தலைமையில், இன்று 10:30 மணிக்கு நடக்கிறது.

இதேபோன்று, மதுராந்தகம் வருவாய் கோட்டாட்சியர் அலுவலகத்தில், வருவாய் கோட்டாட்சியர் தலைமையில், பிற்பகல் 2:30 மணிக்கு நடக்கிறது. இந்த கூட்டத்தில் விவசாயிகள் பங்கேற்று, தங்களின் கோரிக்கைகளை மனுக்களாக அளித்து பயன் பெறலாம்.

இதேபோல், மாவட்ட அளவிலான விவசாயிகள் நலன்காக்கும் கூட்டம், கலெக்டர் அலுவலக கூட்ட அரங்கில், கலெக்டர் அருண்ராஜ் தலைமையில், வரும் 25ம் தேதி காலை 10:30 மணிக்கு நடக்கிறது. இதில், விவசாயிகள் பங்கேற்று, கோரிக்கை மனுக்கள் அளித்து பயன்பெறலாம்.