வேலுார்: வேலுார் மாவட்டம், குடியாத்தம் அடுத்த சீவூர் பஞ்., உட்பட்ட சித்துார் கேட் பகுதியில், வேலுார் லோக்சபா தொகுதி, தி.மு.க., - எம்.பி., கதிர்ஆனந்த் நிதியிலிருந்து, 11 லட்சம் ரூபாய் செலவில் புதிய பயணியர் நிழற்கூடம் கட்டி முடிக்கப்பட்டது.

புதிய நிழற்கூடத்தை, தி.மு.க., - எம்.பி., கதிர் ஆனந்த் கடந்த 19ம் தேதி திறந்து வைத்தார். அந்த நிழற்கூடத்தின் கூரை பூச்சு நேற்று இடிந்து விழுந்தது. அதிர்ஷ்டவசமாக அந்த நேரத்தில் அங்கு யாரும் இல்லாததால் யாருக்கும் பாதிப்பில்லை. நிழற்கூடம் தரமற்று கட்டி முடிக்கப்பட்டு உள்ளதாக, பொதுமக்கள் புகார் தெரிவித்தனர்.