பெர்த்: மூன்றாவது ஹாக்கி போட்டியிலும் ஏமாற்றிய இந்திய பெண்கள் அணி 'ஹாட்ரிக்' தோல்வியடைந்தது.

ஆஸ்திரேலியா சென்றுள்ள இந்திய பெண்கள் ஹாக்கி அணி, ஐந்து போட்டிகள் கொண்ட தொடரில் பங்கேற்கிறது. முதற்கட்டமாக ஆஸ்திரேலியா 'ஏ' அணியுடன் மூன்று போட்டிகளில் விளையாடியது. முதலிரண்டு போட்டியில் இந்தியா தோல்வியடைந்தது. பெர்த்தில் 3வது போட்டி நடந்தது.


இதில் இந்திய அணி 0-2 என்ற கோல் கணக்கில் தோல்வியடைந்தது. ஆஸ்திரேலிய அணிக்கு கோர்ட்னி ஸ்கோனெல் (9வது நிமிடம்), கிரேஸ் ஸ்டீவர்ட் (52வது) தலா ஒரு கோல் அடித்து கைகொடுத்தனர். இந்திய வீராங்கனைகள், தங்களுக்கு கிடைத்த 'பெனால்டி கார்னர்' வாய்ப்புகளை வீணடித்தனர்.
இந்திய அணி, நாளை பெர்த்தில் நடக்கவுள்ள 4வது போட்டியில் சீனியர் ஆஸ்திரேலிய பெண்கள் அணியை எதிர்கொள்கிறது.