சோழவந்தான் : சோழவந்தான் அருகே டி.ஆண்டிப்பட்டியில் மதுரை வேளாண் விற்பனை குழு சார்பில் ஒழுங்குமுறை விற்பனை கூடத்தில் தேங்காய், கொப்பரை ஏலம் நடந்தது.

மட்டையுடன் கூடிய தேங்காய் ஏலத்தில் 23 வியாபாரிகள், 6 விவசாயிகள் பங்கேற்றனர். மொத்தம் 33,756 தேங்காய்கள் ரூ.6 லட்சத்து 92 ஆயிரத்து 232க்கு வர்த்தகம் நடந்தது. தேங்காய் அதிகபட்சம் ரூ.26.20, குறைந்தபட்சம் ரூ.9.10, சராசரியாக ரூ. 20.50 க்கு ஏலம் போனது.

கொப்பரை தேங்காய் ஏலத்தில் 8 வியாபாரிகள், 6 விவசாயிகள் பங்கேற்றனர். 573.6 கிலோ ரூ.1 லட்சத்துக்கு 4 ரூபாய்க்கு வர்த்தகம் செய்யப்பட்டது. அதிகபட்சமாக ரூ.201, குறைந்தபட்சமாக ரூ.163, சராசரியாக ரூ. 174 ஏலம் போனது. 5 ஆண்டுகளில் இல்லாத அளவிற்கு கொப்பரைத் தேங்காய் அதிகபட்ச விலைக்கு விற்பனையானது.

வேளாண் உதவி இயக்குனர் பாண்டி, உதவி தொழில்நுட்ப மேலாளர்கள் பூமிநாதன், அருணா தேவி, வட்டார தொழில்நுட்ப மேலாளர் பிரியா, ஒழுங்குமுறை விற்பனை கூட கண்காணிப்பாளர் நாகமூர்த்தி ஏற்பாடுகளை செய்திருந்தனர்.