மதுரை: தி.மு.க., பொதுக்குழு கூட்டம் நாளை நடைபெற உள்ள நிலையில், இன்று (மே 31) மதுரை வந்த முதல்வர் ஸ்டாலினை, விமான நிலையத்தில் அமைச்சர்கள் தியாகராஜன், மூர்த்தி வரவேற்றனர்.



மதுரையில் நாளை (ஜூன் 1) முதல்வர் ஸ்டாலின் தலைமையில் தி.மு.க., பொதுக்குழுக் கூட்டம் பிரமாண்டமாக நடக்கிறது. இதில் பங்கேற்க இன்று மதியம் 1:05 மணிக்கு விமான நிலையம் வந்தடைந்தார். அவருக்கு அமைச்சர்கள் பெரியசாமி, நேரு, தங்கம் தென்னரசு, மூர்த்தி, சாத்துார் ராமச்சந்திரன், தியாகராஜன், எம்.பி., டி.ஆர்., பாலு, மாவட்ட செயலாளர்கள் உள்ளிட்டோர் உற்சாக வரவேற்பு அளித்தனர்.


கலெக்டர் சங்கீதா, மாநகராட்சி கமிஷனர் சித்ரா வரவேற்பு அளித்தனர். தொண்டர்கள் அளித்த வேஷ்டி, சால்வையை ஸ்டாலின் பெற்றுக் கொண்டார். இன்று மாலை முதல்வர் பங்கேற்கும் ரோடு ஷோ நிகழ்ச்சி நடக்கிறது. முடிவில், முன்னாள் மேயர் முத்து சிலையை முதல்வர் திறந்து வைக்கிறார்.