வானுார் : வானுார் அருகே டிரான்ஸ்பார்மரில் இருந்து ஒரு லட்சம் ரூபாய் மதிப்புள்ள காப்பர் கம்பிகளை திருடிய மர்ம நபர்களை போலீசார் தேடி வருகின்றனர்.

வானுார் அடுத்த துருவை கிராமத்தில் இருந்து புள்ளிச்சப்பள்ளம் செல்லும் சாலையில், மின்சார டிரான்ஸ்பார்மர் உள்ளது. கடந்த 16ம் தேதி, டிரான்ஸ்பார்மரை ஆப் செய்த மர்ம நபர்கள், அதிலிருந்த பெட்டியை உடைத்து காப்பர் கம்பிகளை திருடிச் சென்றனர்.

திருச்சிற்றம்பலம் மின்துறை அதிகாரிகள் சம்பவ இடத்திற்கு சென்று ஆய்வு செய்தபோது, ரூ. 1 லட்சம் மதிப்புள்ள காப்பர் கம்பிகள் திருடப்பட்டு இருப்பது தெரியவந்தது. இது குறித்து உதவி மின் பொறியாளர் தமிழ்செல்வி, ஆரோவில் போலீசில் புகார் அளித்தார். போலீசார் வழக்கு பதிந்து, காப்பர் கம்பியை திருடிய மர்ம நபர்களை தேடி வருகின்றனர்.