பெர்லின்: ஜூனியர் ஹாக்கி தொடரில் இந்திய அணி 3வது இடம் பிடித்தது.

ஜெர்மனியில், நான்கு நாடுகளுக்கு இடையிலான சர்வதேச ஜூனியர் ஹாக்கி தொடர் நடந்தது. இதில் இந்தியா, ஜெர்மனி, ஆஸ்திரேலியா, ஸ்பெயின் அணிகள் மோதின. முதல் போட்டியில் ஜெர்மனியிடம் வீழ்ந்த இந்தியா, பின் எழுச்சி கண்டு 2வது போட்டியில் ஆஸ்திரேலியாவை வென்றது.

மூன்றாவது போட்டியில் ஸ்பெயினுக்கு எதிராக தோல்வியடைந்தது.மூன்றாவது இடத்துக்கான போட்டியில் இந்தியா, ஆஸ்திரேலியா அணிகள் மோதின. இதில் இந்திய அணி 2-1 என்ற கணக்கில் வெற்றி பெற்று, 3வது இடத்தை தட்டிச் சென்றது. இந்திய அணிக்கு ரோகித் (45வது நிமிடம்), அஜீத் யாதவ் (52வது) தலா ஒரு கோல் அடித்து கைகொடுத்தனர்.