காரைக்கால் : காரைக்கால், திருநள்ளாறு கோவிலில், ரஜினி மகள் ஐஸ்வர்யா, 'கூலி' படம் வெற்றியடைய தந்தை பெயரில் சனிபகவானுக்கு சிறப்பு பூஜை செய்தார்.


புதுச்சேரி மாவட்டம், காரைக்கால், திருநள்ளாறு தர்ப்பாரண்யேஸ்வரர் கோவிலில் சனீஸ்வர பகவான் தனி சன்னதியில் அனுக்கிரக மூர்த்தியாக அருள்பலித்து வருகிறார். நேற்று முன்தினம், ரஜினிகாந்த் மகள் ஐஸ்வர்யா, சனிபகவான் கோவிலுக்கு வருகை தந்தார்.


பின், சிவன், அம்பாள், முருகர், விநாயகர் உள்ளிட்ட சுவாமிகளுக்கு நடந்த சிறப்பு பூஜையில் அவர் பங்கேற்றார். அப்போது, 'கூலி' திரைப்படம் படம் வெற்றிபெற, தந்தை ரஜினி பெயரில் சிறப்பு பூஜை செய்து தீபம் ஏற்றி வழிப்பட்டார். தொடர்ந்து கோவில் யானையிடம் ஆசிர்வாதம் பெற்றார்.