சின்சினாட்டி: மேஜர் லீக் கால்பந்து போட்டியில் மெஸ்சி ஏமாற்ற, இன்டர் மயாமி அணி தோல்வியடைந்தது.

அமெரிக்கா, கனடாவில், மேஜர் லீக் கால்பந்து 30வது சீசன் நடக்கிறது. சின்சினாட்டியில் நடந்த போட்டியில் இன்டர் மயாமி, சின்சினாட்டி எப்.சி., அணிகள் மோதின. இதில் மிகவும் எதிர்பார்க்கப்பட்ட மெஸ்சி ஒரு கோல் கூட அடிக்கவில்லை. இன்டர் மயாமி அணி 0-3 என தோல்வியடைந்தது. தொடர்ச்சியாக 5 போட்டியில் அசத்திய இன்டர் மயாமி அணியின் வெற்றிநடைக்கு முற்றுப்புள்ளி வைக்கப்பட்டது.
தவிர, மேஜர் லீக் கால்பந்து வரலாற்றில் 5 போட்டியில், குறைந்தபட்சம் தலா 2 கோல் அடித்து சாதனை படைத்த அர்ஜென்டினா நட்சத்திர வீரர் மெஸ்சியின் கோல் மழைக்கு முற்றுப்புள்ளி வைக்கப்பட்டது. இவர், மான்ட்ரியல் (மே 29, ஜூலை 6), கொலம்பஸ் (ஜூன் 1), நியூ இங்கிலாந்து (ஜூலை 10), நாஷ்வில்லி (ஜூலை 13) அணிகளுக்கு எதிராக தலா 2 கோல் அடித்திருந்தார். நடப்பு சீசனில் அதிக கோல் அடித்த வீரர்கள் வரிசையில் மெஸ்சி, முதலிடத்தை நாஷ்வில்லி அணியின் சாமுவேல் சுரிட்ஜிடம் பகிர்ந்து கொண்டுள்ளார். இருவரும் தலா 16 கோல் அடித்துள்ளனர்.