தேனி: கனரா வங்கி ஊரக சுயவேலை வாய்ப்பு பயிற்சி நிலையம் சார்பில் ஆக.11 முதல் பெண்களுக்கான இலவச தையல் பயிற்சி வகுப்பு நடக்கிறது.

இதில் கிராமப்புறத்தை சேர்ந்த 18 வயதிற்கு மேற்பட்ட பெண்கள் விண்ணப்பிக்கலாம். பயிற்சி காலை 9:30 முதல் மாலை 5:30 மணி வரை நடைபெறும். பயிற்சியில் தேர்ச்சி பெறுபவர்களுக்கு வங்கி கடன் ஆலோசனை வழங்கப்படும். உணவு, தங்குமிடம் இலவசமாக வழங்கப்படும்.

விருப்பமுள்ளவர்கள் புகைப்படம், ஆதார் நகலுடன் கருவேல்நாயக்கன்பட்டி தொழிலாளர் நல அலுவலகம் அருகே உள்ள கனராவங்கி ஊரக சுயவேலை வாய்ப்பு பயிற்சி நிலையத்தை நேரில் அணுகலாம்.

மேலும் விபரங்களுக்கு 95003 14193 என்ற அலைபேசி எண்ணில் தொடர்பு கொள்ளலாம் என பயிற்சி நிலைய இயக்குநர் ரவிக்குமார் தெரிவித்துள்ளார்.