செயின்ட் லுாயிஸ்: செயின்ட் லுாயிஸ் செஸ் 'பிளிட்ஸ்' பிரிவில் இந்தியாவின் குகேஷ் 6வது இடத்தில் உள்ளார்.

'கிராண்ட் செஸ் டூர்' 10வது சீசன், 6 தொடர்களாக நடத்தப்படுகிறது. இதன் 4வது தொடர், அமெரிக்காவின் செயின்ட் லுாயிசில் நடக்கிறது. இதில் 'ரேபிட்' முறையில் நடந்த போட்டியில் (9 சுற்று) 'நடப்பு உலக சாம்பியன்' இந்தியாவின் குகேஷ் 4வது இடம் பிடித்தார். தற்போது 'பிளிட்ஸ்' முறையில் போட்டிகள் (18 சுற்று) நடக்கிறது.

அமெரிக்காவின் ஆரோனியன், ஷாம் ஷாக்லாந்துக்கு எதிரான முதலிரண்டு சுற்றை 'டிரா' செய்த குகேஷ், அடுத்த இரண்டு சுற்றில் வெஸ்லே (அமெரிக்கா), நாடிர்பெக்கிற்கு (உஸ்பெகிஸ்தான்) எதிராக தோல்வியடைந்தார். 5வது சுற்றில் குகேஷ், அமெரிக்காவின் லீனியர் டோமிங்குவெசை வீழ்த்தி, முதல் வெற்றியை பதிவு செய்தார்.

பேபியானோ காருணா (அமெரிக்கா), லெ குவாங் லீம் (வியட்நாம்) ஆகியோருக்கு எதிரான 6, 7வது சுற்றை 'டிரா' செய்த குகேஷ், பிரான்சின் மேக்சிம் வாச்சியர்-லக்ரேவுக்கு எதிரான 8வது சுற்றில் தோல்வியடைந்தார். ஒன்பதாவது சுற்றில் குகேஷ், அமெரிக்காவின் கிரிகோரி ஓபரின் மோதினர். இப்போட்டி 'டிரா' ஆனது.
ஒன்பது சுற்றின் முடிவில் ஒரு வெற்றி, 5 'டிரா', 3 தோல்வி என, 13 புள்ளிகளுடன் குகேஷ் 6வது இடத்தை வியட்நாம் வீரருடன் பகிர்ந்து கொண்டுள்ளார். முதலிடத்தில் ஆரோனியன் (19.0 புள்ளி) உள்ளார்.