கரூர்: சாலைபுதுார் ஒழுங்குமுறை விற்பனை கூடத்தில், தேங்காய், கொப்பரை தேங்காய், எள் சேர்த்து, ரூ.1.35 கோடிக்கு விற்பனை செய்யப்பட்டது.

கரூர் மாவட்டம் நொய்யல் அருகில், சாலைபுதுார் ஒழுங்குமுறை விற்பனை கூடத்தில் தேங்காய் ஏலம் நேற்று முன்தினம் நடந்தது. சுற்றுவட்டார பகுதிகளை சேர்ந்த விவசாயிகள், 16,698 தேங்காய்களை விற்பனைக்கு கொண்டு வந்தனர். இதில் ஒரு கிலோ குறைந்தபட்சமாக, 33.69 ரூபாய், அதிகபட்சமாக, 61.65, சராசரியாக, 48.38 ரூபாய்க்கு ஏலம் போனது. மொத்தம், 5,669 கிலோ எடையுள்ள தேங்காய்கள், 2 லட்சத்து, 52 ஆயிரத்து, 632 ரூபாய்க்கு விற்பனையானது.

கொப்பரை தேங்காய் முதல்தரம் ஒரு கிலோ குறைந்தபட்சமாக, 152.99, அதிகபட்சமாக, 183.79, சராசரியாக, 181.60, இரண்டாம் தரம் குறைந்தபட்சமாக, 88.99, அதிகபட்சமாக, 174.79, சராசரியாக, 156.99 ரூபாய்க்கு ஏலம் போனது. மொத்தமாக, 14,754 கிலோ எடையுள்ள கொப்பரை தேங்காய், 21 லட்சத்து, 19 ஆயிரத்து, 598 ரூபாய்க்கு விற்பனை நடந்தது.

கருப்பு ரகம் எள் ஒரே விலையாக கிலோ, 156.99 ரூபாய், சிவப்பு ரகம் ஒரு கிலோ குறைந்தபட்சமாக, 108.99, அதிகபட்சமாக, 114.99, சராசரியாக, 110.99, மஞ்சள் வெள்ளை ரகம் ஒரு கிலோ குறைந்தபட்சமாக, 104.99, அதிகபட்சமாக, 121.78, சராசரியாக, 119.99 ரூபாய்க்கு ஏலம் போனது. மொத்தம், 98,406 கிலோ எடையுள்ள எள், 1 கோடியே, 11 லட்சத்து, 48 ஆயிரத்து, 402 ரூபாய்க்கு விற்பனையானது. தேங்காய், கொப்பரை தேங்காய், எள் சேர்த்து, 1 கோடியே, 35 லட்சத்து, 20 ஆயிரத்து, 632 ரூபாய்க்கு விற்பனை செய்யப்பட்டது.