அன்னூர்: அன்னூர் மன்னீஸ்வரர் கோயிலில், 26ம் ஆண்டு தேர்த் திருவிழா கடந்த 25ம் தேதி கொடியேற்றத்துடன் துவங்கியது. கடந்த 31ம் தேதி தேரோட்டம் நடந்தது.

நேற்று முன்தினம் இரவு கோவிலில், அருந்தவச் செல்வி உடனமர் மன்னீஸ்வரருக்கு, அலங்கார பூஜை நடந்தது. கட்டளைதாரர்கள் கவுரவிக்கப்பட்டனர். கோவில் வளாகத்தில் உள்ள தெப்பக்குளத்தில், அருந்தவ செல்வி உடனமர் மன்னீஸ்வரர், வசந்த மண்டபத்தை சுற்றி வந்து, சிறப்பு அலங்காரத்தில் அருள் பாலித்தார். பக்தர்கள் மன்னீஸ்வரருக்கு அரோகரா என பக்தி கோஷம் எழுப்பினர். அன்னதானம் வழங்கப்பட்டது.

அறங்காவலர் குழு தலைவர் நடராஜன், அறங்காவலர்கள் மணி, யசோதா, சங்கர் உள்பட பல ஆயிரம் பக்தர்கள் பங்கேற்றனர்.