கடந்த ஆண்டை போலவே, நடப்பாண்டிலும் ஸ்டார்ட்அப் நிறுவனங்கள் ஐ.பி.ஓ., வெளியிட்டு கிட்டத்தட்ட 50,000 கோடி ரூபாய் நிதி திரட்ட தயாராகி வருகின்றன.

கடந்த 2025ல் மீஷோ, லென்ஸ்கார்ட், குரோ, பிசிக்ஸ் வாலா போன்ற நிறுவனங்கள் ஐ.பி.ஓ., வாயிலாக 36,000 கோடி ரூபாய் திரட்டின.

இந்நிலையில், நடப்பாண்டில் போன்பே, செப்டோ, ஓயோ, போட், இன்ப்ரா மார்க்கெட், ஷேடோபாக்ஸ் உள்ளிட்ட பல நிறுவனங்கள் புதிய பங்கு வெளியிட வரிசை கட்டி நிற்கின்றன.

ரிலையன்ஸ் ஜியோ, எஸ்.பி.ஐ., மியூச்சுவல் பண்ட்ஸ் போன்ற மிகப்பெரிய நிறுவனங்களின் ஐ.பி.ஓ.,க்களும் வர உள்ளதால், அவை அதிகப்படியான முதலீட்டை ஈர்க்கக்கூடும் என கூறும் நிபுணர்கள், இது, மற்ற ஸ்டார்ட்அப் நிறுவனங்களுக்கு கிடைக்கும் முதலீட்டில் தாக்கத்தை ஏற்படுத்த வாய்ப்புள்ளதாக தெரிவிக்கின்றனர்.

* ஐ.பி.ஓ.,வெளியிடும் நிறுவனத்தின் மதிப்பு அதிகமாக இல்லாமல், முதலீட்டாளர்களுக்கு லாபம் தரும் வகையில் இருக்க வேண்டும்

* பிப்ரவரி மாத மத்திய பட்ஜெட் மற்றும் சர்வதேச சந்தை மாற்றங்கள் ஐ.பி.ஓ., சந்தையின் வேகத்தை தீர்மானிக்கும் என நிபுணர்கள் கருத்து.