சென்னை: சென்னையில் இன்று (ஜனவரி 14) 22 காரட் ஆபரண தங்கத்தின் விலை சவரனுக்கு 880 ரூபாய் அதிகரித்து ஒரு சவரன் ஒரு லட்சத்து 6 ஆயிரத்து 240 ரூபாய்க்கு விற்பனை ஆகிறது. வெள்ளி விலையும் இன்று ஒரே நாளில் மட்டும் கிராமுக்கு 15 ரூபாய் அதிகரித்துள்ளது.

சர்வதேச நிலவரங்களால், நம் நாட்டில் தங்கம், வெள்ளி விலை தொடர்ந்து புதிய உச்சத்தை தொட்டு வருகிறது. தமிழகத்தில் நேற்று முன்தினம் (ஜனவரி 12) ஆபரண தங்கம் கிராம் 13,120 ரூபாய்க்கும், சவரன் 1,04,960 ரூபாய்க்கும் விற்பனையானது. வெள்ளி கிராம், 287 ரூபாய்க்கு விற்கப்பட்டது.

நேற்று (ஜனவரி 13) தங்கம் விலை கிராமுக்கு 50 ரூபாய் உயர்ந்து, 13,170 ரூபாய்க்கு விற்பனையானது. சவரனுக்கு 400 ரூபாய் அதிகரித்து, 1,05,360 ரூபாய்க்கு விற்கப்பட்டது. வெள்ளி கிராமுக்கு 5 ரூபாய் உயர்ந்து, 292 ரூபாய்க்கு விற்பனையானது. கிலோவுக்கு 5,000 ரூபாய் அதிகரித்து, 2.92 லட்சம் ரூபாய்க்கு விற்கப்பட்டது.



இந்நிலையில் இன்று (ஜனவரி 14) 22 காரட் ஆபரண தங்கத்தின் விலை சவரனுக்கு 880 ரூபாய் அதிகரித்து ஒரு சவரன் ஒரு லட்சத்து 6 ஆயிரத்து 240 ரூபாய்க்கு விற்பனை ஆகிறது. கிராமுக்கு 110 ரூபாய் உயர்ந்து ஒரு கிராம் 13 ஆயிரத்து 280 ரூபாய்க்கு விற்பனை ஆகிறது.

வெள்ளிக்கு மவுசு

வெள்ளி விலையும் புதிய உச்சம் தொட்டு வருகிறது. இன்று ஒரே நாளில் மட்டும் கிராமுக்கு 15 ரூபாய் அதிகரித்து ஒரு கிராம் 307 ரூபாய்க்கு விற்பனை செய்யப்படுகிறது. கிலோவுக்கு 15 ஆயிரம் ரூபாய் அதிகரித்து ஒரு கிலோ 3 லட்சத்து 7 ஆயிரம் ரூபாய்க்கு விற்பனை ஆகிறது.

கடந்த கால தங்கம் விலை நிலவரங்களை அறிய இங்கே கிளிக் செய்யவும்