பல்லடம்: மாநில அளவில் நடந்த கதர் திருவிழாவில், பல்லடம் சர்வோதய சங்கத்துக்கு விருது கிடைத்துள்ளது.

திருச்சி, தில்லை நகரில், மாநில அளவிலான கதர் திருவிழா நடந்தது. தமிழகம் முழுவதும் இருந்து, 50க்கும் மேற்பட்ட சர்வோதய சங்கங்கள் சார்பில் ஸ்டால்கள் அமைக்கப்பட்டிருந்தன.

இதில், சிறந்த விற்பனை மற்றும் ஸ்டால் அமைப்பு ஆகியவற்றுக்கான விருது பல்லடம் சர்வோதய சங்கத்துக்கு கிடைத்துள்ளது.

விருதினை பெற்ற சர்வோதய சங்க விற்பனையாளருக்கு பாராட்டு தெரிவிக்கும் நிகழ்ச்சி நேற்று நடந்தது. பல்லடம் சங்க செயலாளர் செல்வராஜ் தலைமை வகித்தார்.

பொருளாளர் ஜெயபால் முன்னிலை வகித்தார். பல்லடம் சர்வோதய சங்க விற்பனையாளர் ரவிச்சந்திரனுக்கு பாராட்டு தெரிவிக்கப்பட்டது.