வேலுார்: கேரளாவைச் சேர்ந்தவர் டாக்டர் பெல்கிங்; வேலுார் சி.எம்.சி., மருத்துவமனையில் டாக்டராக பணியாற்றி வருகிறார். இவர், தோட்டப்பாளையம் பிள்ளையார் கோவில் தெருவிலுள்ள டாக்டர்கள் குடியிருப்பில் வசிக்கிறார்.

அங்கு, இரு கார்களில், சென்னை அமலாக்கத்துறை அலுவலகத்தில் இருந்து, ஏழு அதிகாரிகள், எல்லை பாதுகாப்பு படை போலீசாருடன் வந்தனர். அவர்கள், டாக்டர் பெல்கிங் வீட்டில் சோதனை நடத்தினர்.

நேற்று முன்தினம் காலை 8:00 மணிக்கு துவங்கிய சோதனை, நேற்று பகல் 11:00 மணி வரை, 27 மணி நேரம் நடந்தது. இதில், டாக்டர் வீட்டிலிருந்து 100 கிராம் கஞ்சா மற்றும் 20 கிராம், 'மெத் ஆம்பெட்டமைன்' போதை பொருளை பறிமுதல் செய்தனர்.

இதையடுத்து, காட்பாடியிலுள்ள போதை பொருள் தடுப்பு பிரிவில் புகார் செய்ய சென்றனர். அங்கு, 1 கிலோவுக்கு மேல் போதை பொருட்கள் இருந்தால் மட்டுமே, வழக்கு பதிய முடியும் என கூறி, அமலாக்கத்துறை அதிகாரிகளை திருப்பி அனுப்பினர்.

அதன்படி, அ வர்கள், வேலுார் வடக்கு போலீஸ் ஸ்டேஷன் சென்று புகார் அளித்தனர். புகாரை பெற்ற போலீசார், வழக்கு பதிந்து விசாரணை நடத்த உள்ளதாக தெரிவித்தனர்.