துவக்க வீரராக வந்த ஆரோன் ஜார்ஜ் 9 ரன்னுக்கு அவுட் ஆனார். இருப்பினும் மற்றொரு வீரர் வைபவ் சூர்யவன்ஷி வாணவேடிக்கை காட்டினார். இங்கிலாந்து அணியின் பந்துவீச்சை எளிதாக சமாளித்த அவர், சிக்சர் மற்றும் பவுண்டரி என அடித்துத் தள்ளினார்.அவர் 80 பந்துகளில் 175 ரன் எடுத்து அவுட் ஆனார். கேப்டன் ஆயுஷ் மத்ரே 53 , வேதாந்த் திரவேதி 32, விஹான் மல்ஹோத்ரா 30, அபியான் குன்டு 40, அம்பரீஸ் 18 ரன் எடுக்க இந்திய அணி 50 ஓவரில் 9 விக்கெட் இழப்புக்கு 411 ரன் எடுத்தது.


இதன் பிறகு 412 என்ற கடின இலக்குடன் இங்கிலாந்து அணி களமிறங்கியது. துவக்க வீரர்கள் பென் டாவ்கின்ஸ் மற்றும் ஜோசப் மூர்ஸ் ஜோடி ஓரளவு ரன் சேர்த்தனர். மூர்ஸ் 17 ரன்னில் அவுட்டானார். டவ்கின்ஸ் அரைசதம் அடித்தார். அவர் 66 ரன்னில் அவுட் ஆனார். பென் மேயஸ் 45 ரன்னிலும், கேப்டன் தாமஸ் ரேவ் 31 ரன்னிலும் அவுட் ஆனார்கள்.காலேப் பால்கோனர் சிறப்பாக விளையாடி 115 ரன்னில் அவுட்டானார். ஜேமிஸ் மின்டோ 28 ரன்னிலும் அவுட்டானார். மற்ற வீரர்கள் சொற்ப ரன்னில் அவுட் ஆனார்கள், ஆல்பர்ட் 0, அஹமது 1, செபாஸ்டின் மோர்கன் 0, மானி லேம்ஸ்டன் 3 ரன்னில் அவுட்டாக இங்கிலாந்து அணி 40.2 ஓவரில் 311 ரன்களுக்கு அனைத்து விக்கெட்களையும் இழந்தது.

இதன் மூலம் 100 ரன் வித்தியாசத்தில் வெற்றி பெற்ற இந்திய அணி உலக கோப்பையை கைப்பற்றியது. யு19 உலக கோப்பை தொடரில் இந்திய அணி கோப்பை வெல்வது இது 6வது முறையாகும்.

6வது முறை

இந்திய அணி 19 வயது உலக கோப்பை தொடரின் பைனலுக்கு 10 வது முறையாக நேற்று முன்னேறியது. இதில் 2000, 2008, 2012, 2018, 2022,2026 என ஆறு முறை சாம்பியன் ஆனது.


இதுவரை யு-19 உலகக்கோப்பை வென்ற இந்திய அணி கேப்டன்கள் விவரம்

2000: முகமது கைப்

2008: விராட் கோலி

2012: உன்முக்த் சந்த்

2018: பிரித்வி ஷா

2022: யாஷ் துல்

2026: ஆயுஷ் மாத்ரே