கடல் பாசிகளுக்குள் வியக்கத்தக்க தற்காப்பு நுட்பம் ஒன்று ஒளிந்துள்ளது. 'சைபோனின்' (Siphonein) என்ற நிறமி, கடும் சூரிய வெப்பத்தால் ஏற்படும் சேதத் திலிருந்து பச்சை பாசிகளைப் பாதுகாப்பதை ஆய்வாளர்கள் கண்டறிந்துள்ளனர். இந்த இயற்கை 'சூரியக் கவசம்' சூரிய வெப்பத்தைத் தடுத்தாலும், ஒளிச்சேர்க்கையை தடையின்றித் தொடர உதவுகிறது.

ஒளிச்சேர்க்கை என்பது சூரிய ஒளியை வேதி ஆற்றலாக மாற்ற உதவுகிறது. ஆனால், அளவுக்கு அதிகமான வெளிச்சம் குளோரோபில் எனும் உயிரணுக்களைச் சிதைக்கக்கூடிய மூலக்கூறுகளை உருவாக்கி விடும். இங்குதான் சைபோனின், சூரிய வெப்ப ஆற்றலைத் திறம்படத் தடுத்து, கடல் பாசிகளின் பாதுகாவலனாகச் செயல்படுகிறது.

இந்த நுட்பம் தற்போது பொறியாளர்களைப் பெரிதும் க வர்ந்துள்ளது. பாசிகளில் உள்ள இந்தத் தற்காப்பு மூலக்கூறுகளைப் போலவே, சூரிய மின்சக்திப் பலகைகளையும் வடிவமைக்க முடியுமா என்ற ஆய்வு துவங்கியுள்ளது. இயற்கையின் இந்த 'ஒளிப் பாதுகாப்பு' முறையைப் பின்பற்றுவதன் வாயிலாக, அதிகத் திறன் கொண்ட, நீண்ட காலம் உழைக்கக்கூடிய சூரிய பலகைகளை உருவாக்க முடியும்.

இந்தக் கண்டுபிடிப்பு வெறும் பாசிகளைப் பற்றிய உயிரியல் தகவல் மட்டுமல்ல. இது அடுத்த தலைமுறை சூரிய மின்சக்தித் தொழில்நுட்பத்திற்கான ஒரு வரைபடம்.