ஒ ரு ஊழியர் ஓய்வூதியம் பெறுகிறார் என்ற காரணத்தால் மட்டும், அவருக்கான சட்டப்பூர்வ பணிக்கொடை தொகையை நிறுவனம் மறுக்க முடியாது என்று சென்னை உயர்நீதிமன்றம் தெளிவுபடுத்தியுள்ளது. சம்பளம் பெறும் ஊழியர்கள் மற்றும் ஓய்வு பெற்றவர்களுக்கும் இந்த தீர்ப்பு முக்கியத்துவம் பெறுகிறது.

இதுகுறித்து தொழிலாளர் மற்றும் மனிதவள நிபுணர்கள் கூறியதாவது:

“ஓய்வூதியம் பெறுவது பணிக்கொடை உரிமையை பாதிக்காது. நிறுவனங்களின் உள் விதிமுறைகள் அல்லது தனியார் திட்டங்கள், சட்டப்பூர்வ நன்மைகளை மாற்ற முடியாது. பணிக்கொடைக்கு பதிலாக வேறு திட்டம் அமல்படுத்த விரும்பினால், அரசாங்கத்தின் அதிகாரப்பூர்வ அனுமதி அவசியம்.

ஓய்வூதிய திட்டமிடலில் பணிக்கொடை பாதுகாப்பான, உறுதியான நன்மை என்பதை இந்த தீர்ப்பு மீண்டும் உறுதிப்படுத்துகிறது.”

நீதிமன்றத்தின்

முக்கிய 3 கருத்துகள்

1 பணிக்கொடை ஓய்வு பெறும் போது வழங்க வேண்டிய அதிகாரப்பூர்வ தொகை.

2 ஒரு நிறுவனம் தனியாக ஓய்வூதிய திட்டத்தை கொண்டிருந்தாலும், அது பணிக்கொடைக்கு பதிலாக கருதப்படாது.

3 'பணிக்கொடை சட்டம் 1972' பிரிவு 5ன் கீழ் உரிய அரசாங்கத்திடம் இருந்து அதிகாரப்பூர்வ விலக்கு பெற்றிருந்தால் மட்டுமே, பணிக்கொடையை வழங்காமல் இருக்கலாம்.