சிங்கம்புணரி: சிங்கம்புணரி அருகே சதுர்வேதமங்கலம் ஆத்மநாயகி ருத்ர கோடீஸ்வரர் கோயில் மாசி திருவிழா பிப். 21 ல் கொடியேற்றத்துடன் துவங்குகிறது.

குன்றக்குடி ஆதீனத்துக்கு உட்பட்ட, இக்கோயிலின் மாசித்திருவிழா பிப். 21 ம் தேதி காலை 10:00 மணிக்கு கொடியேற்றத்துடன் தொடங்குகிறது. அன்று இரவு 7:00 மணிக்கு அரளிப்பாறை தண்டாயுதபாணி சுவாமி கோயிலிலும் கொடியேற்றம் நடைபெறும்.

பத்து நாட்கள் நடக்கும் விழாவில் தினமும் பல்வேறு வாகனங்களில் பஞ்சமூர்த்திகள் புறப்பாடு நடக்கும். பிப்., 25ல் ஆத்மநாயகி ருத்ர கோடீஸ்வரர் திருக்கல்யாணம், பிப். 26 ல் கழுவன் திருவிழா, சமணர்களுக்கு சாப விமோசனம் நடக்கும். மார்ச் 1 ல் மாசி தேரோட்டமும், மார்ச் 2 ல் தீர்த்தவாரியும் நடைபெறும்.