ஜே.எஸ்.டபிள்.யு., கிரீன்டெக் நிறுவனம் வடிவமைத்த மின்சார பேருந்துக்கு ஒப்புதல் சான்றிதழை இந்திய ஆட்டோமோட்டிவ் ரிசர்ச் அசோசியேஷனான ஏ.ஆர்.ஏ.ஐ., வழங்கியுள்ளது.

நம் நாட்டின் சாலைகளில் பயன்படுத்த தேவையான பாதுகாப்பு, செயல்திறன் மற்றும் ஒழுங்குமுறை தரநிலைகளை பேருந்து பூர்த்தி செய்கிறது என்பதை இந்த சான்றிதழ் உறுதி படுத்துகிறது. இது கட்டமைப்பு பாதுகாப்பு, பிரேக்கிங் செயல் திறன், மின்சார அமைப்புகள் மற்றும் பரிந்துரைக்கப்பட்ட விதிமுறைகளுடன் ஒத்துப்போதல் போன்ற அம்சங்களை உள்ளடக்கியது. இந்த பேருந்து நகரங்களுக்கு இடையேயான பயன்பாடுகளுக்காக வடிவமைக்கப்பட்ட முழு அளவிலான, குளிரூட்டப்பட்ட மின்சார பேருந்து ஆகும்.