சென்னை: பாலக்காடு மற்றும் பொள்ளாச்சி இடையே மின்சாரப் பயணிகள் ரயில் இயக்குவது தொடர்பான அறிவிப்பை வெளியிட்ட பிரதமர் மோடி மற்றும் ரயில்வேத்துறை அமைச்சருக்கு மத்திய இணையமைச்சர் எல்.முருகன் நன்றி தெரிவித்தார்.

அவரது அறிக்கை; சமீபத்தில், தமிழகத்திற்குத் தேவையான கூடுதல் ரயில்களை இயக்குவது குறித்தும், சில ரயில்களின் எண்ணிக்கையை அதிகரித்தல் மற்றும் கூடுதல் நிறுத்தங்களை அறிவிப்பது தொடர்பாகவும், மத்திய ரயில்வே துறை அமைச்சர் அஸ்வினி வைஷ்ணவை நேரில் சந்தித்து வேண்டுகோள் வைத்திருந்தேன்.

அதன்படி,

1) பாலக்காடு- பொள்ளாச்சி MEMU (மின்சாரப் பயணிகள் ரயில்கள்)

2) மயிலாடுதுறை- காரைக்குடி பயணிகள் ரயில்

3) போத்தனூர்- தன்பாத் அம்ரித் பாரத் விரைவு ரயில்

4) திருநெல்வேலி- மங்களூரு விரைவு ரயில், ஆகிய நான்கு புதிய இரயில்கள் இயக்கப்படவுள்ளன.


மேலும்,

1) மங்களூரு சென்ட்ரல்- ராமேஸ்வரம் விரைவு ரயில் திரூர், உடுமலைப்பேட்டை, பரமக்குடி ஆகிய ரயில் நிலையங்களில் நின்று செல்லும்

2) தாம்பரம்- ராமேஸ்வரம் விரைவு ரயில் பண்ருட்டி இரயில் நிலையத்தில் நின்று செல்லும்.

மேலும்,

1) திருச்சி- காரைக்குடி பயணிகள் ரயில், வாரத்தில் அனைத்து நாட்களும் இயக்கப்படும்.

2) எம்ஜிஆர் சென்ட்ரல்- போடி விரைவு ரயில் வாரத்திற்கு 6 நாட்கள் இயக்கப்படும் எனவும் அறிவிக்கப்பட்டுள்ளது.

தமிழக மக்களின் நலனுக்காக கூடுதல் ரயில்களை இயக்க நடவடிக்கை எடுத்துள்ள பிரதமர் மோடிக்கும், மத்திய ரயில்வே துறை அமைச்சர் அஸ்வினி வைஷ்ணவுக்கும் தமிழக மக்களின் சார்பில் எனது மனமார்ந்த நன்றிகளைத் தெரிவித்துக்கொள்கிறேன், இவ்வாறு அவர் குறிப்பிட்டுள்ளார்.