கும்மிடிப்பூண்டி: கும்மிடிப்பூண்டி சட்டசபை தொகுதியில் போட்டியிடும் அ.தி.மு.க., வேட்பாளருக்கு கட்சியினர் உற்சாக வரவேற்பு அளித்தனர்.

கும்மிடிப்பூண்டி சட்டசபை தொகுதியில், அ.தி.மு.க., சார்பில், பூண்டி ஒன்றிய அ.தி.மு.க., செயலர் சுதாகர் போட்டியிடுவதாக, கட்சி தலைமை நேற்று முன்தினம் அறிவித்தது.

இதையடுத்து கும்மிடிப்பூண்டிக்கு வந்த அ.தி.மு.க., வேட்பாளரான சுதாகர், பேருந்து நிலையத்தில் உள்ள மறைந்த முன்னாள் முதல்வர்கள் அண்ணாதுரை மற்றும் எம்.ஜி.ஆர்., சிலைகளுக்கு மாலை அணிவித்து மரியாதை செலுத்தினார்.

திருவள்ளூர் வடக்கு மாவட்ட அ.தி.மு.க., செயலரும் பொன்னேரி தொகுதி வேட்பாளருமான சிறுணியம் பலராமன், கட்சியின் கும்மிடிப்பூண்டி ஒன்றிய செயலர்கள் ஸ்ரீதர், சிவகுமார், மகேந்திரன், ரமேஷ், முல்லைவேந்தன் உள்ளிட்ட கட்சி பிரமுகர்கள் அவருக்கு உற்சாக வரவேற்பு அளித்தனர்.