போத்தனூர்: கிணத்துகடவு சட்டசபை தொகுதிக்கான தி.மு.க. வேட்பாளர் சபரி கார்த்திகேயன், அ.தி.மு.க. வேட்பாளர் தாமோதரன் ஆகியோர், மதியம், 12:00 மணிக்கு மேல் மதுக்கரை தாலுகா அலுவலகத்தில் வேட்புமனு தாக்கல் செய்தனர்.

தி.மு.க. வேட்டாளர் சபரிகார்த்திகேயன் தனது தாத்தா கே.வி.கந்தசாமி பயன்படுத்திய அம்பாசிடர் காரில் வந்தார். நாச்சிபாளையம் பிரிவு அருகே திரண்டிருந்த ஆயிரக்கணக்கான தொண்டர்களை சந்தித்த பின், ஊர்வலமாக வந்து வேட்புமனு கொடுத்தார்.

* அ.தி.மு.க. வேட்பாளர் தாமோதரன், முன்னாள் எம்.எல்.ஏ.க்கள் சண்முகம், ரோகிணி, பா.ஜ.வின் தெற்கு மாவட்ட முன்னாள் தலைவர் வசந்தராஜன் உள்ளிட்டோருடன் வந்து வேட்பு மனு தாக்கல் செய்தார். திரும்ப செல்லும்போது கட்சி தொண்டர்கள் வாழ்த்தி கோஷமிட்டனர்.