காங்கேயம், திருப்பூர் மாவட்டம் காங்கேயம், ஊதியூர் அருகே எல்லப்பாளையம்புதுாரை சேர்ந்தவர் லோகநாதன். உழைப்பாளி மக்கள் கட்சி தலைவர். காங்கேயம் சட்டசபை தொகுதியில் போட்டியிட, வேட்புமனு தாக்கல் செய்ய, காங்கேயம் தாசில்தார் அலுவலகத்துக்கு, நேற்று மதியம், 2:59 மணிக்கு வந்தார். தேர்தல் நடத்தும் அலுவலரிடம் ஆவணங்களை தந்தவர்,

டெபாசிட் பணம், 10 ஆயிரம் ரூபாய் கட்ட, பாக்கெட்டை பார்த்தபோதுதான், பணத்தை மறந்துவிட்டு வந்தது தெரிந்தது. அதற்குள், 3:00 மணியாகி விட்டதால், மனுதாக்கல் நேரமும் முடிந்து விட்டிருந்தது. ஆக, இந்த தேர்தலில் போட்டியிட முடியாத சோகத்தில் லோகநாதன் திரும்பி சென்றார்.