சிவகங்கை:சிவகங்கை காளவாசல் பகுதியை சேர்ந்தவர் செல்லப்பாண்டி மனைவி கண்ணாத்தாள். இவர்களுக்கு இரண்டு மகன்கள் உள்ளனர். இவர்கள் டிரைவராக பணி செய்கின்றனர். இவரது இரண்டாவது மகன் விஜய் 23 அவரது நண்பர்கள் தாயமங்கலம் கோவில் விழாவுக்கு ஐஸ் விற்பதற்காக அழைத்து சென்றனர்.

ஏப்.4 மாலை 6:00 மணிக்கு அவரது நண்பர் ஒருவர் போன் செய்து விஜய் பெரியகோட்டை கண்மாய் தண்ணீரில் விழுந்து இறந்து விட்டதாக கூறியுள்ளார். மானாமதுரை சிப்காட் போலீசார் வழக்கு பதிந்துள்ளனர். இந்நிலையில் தனது மகனின் இறப்பில் சந்தேகம் உள்ளது. விஜய்யை அழைத்து சென்ற அவரது நண்பர்களை முறையாக விசாரித்து கொலை வழக்காக மாற்ற வேண்டும் என விஜய் தாய் கண்ணாத்தாள் சிவகங்கை எஸ்.பி.,அலுவலகத்தில் புகார் அளித்தார்.