நாமக்கல்: நாமக்கல் தொகுதியில் போட்டியிடும் வேட்பாளர்களுக்கு, வரும், 13, 17, 21ல், தேர்தல் செலவின கணக்கு பராமரிப்பு குறித்து, ஆலோசனை கூட்டம் நடக்கிறது.


இது குறித்து, தேர்தல் நடத்தும் அலுவலர் சாந்தி வெளியிட்ட அறி க்கை: நாமக்கல் தொகுதியில் போட்டியிடும், அனைத்து வேட்பாளர்களுக்கான தேர்தல் செலவின கணக்குகள் பராமரிப்பு குறித்து ஆலோசனை கூட்டம் வரும் 13, 17 மற்றும் 21 ஆகிய, 3 நாட்கள் காலை, 11:00 முதல், மாலை, 5:00 மணி வரை மாநக-ராட்சி கூட்ட அரங்கில் நடக்கிறது.நாமக்கல் தொகுதிக்கான, தேர்தல் செலவின பார்வையாளர் முகேஷ் கட்டரியா தலைமை வகிக்கிறார். தேர்தல் செலவினங்-களை முறையாக பராமரிப்பது தொடர்பான ஆலோசனைகள் கூட்-டத்தில் தெரிவிக்கப்படும். அதனால், நாமக்கல் தொகுதியில் போட்டியிடும் வேட்பாளர்களோ அல்லது அவர்களின் அங்கீகரிக்-கப்பட்ட ஏஜெண்டுகளோ தவறாமல் கூட்டத்தில் கலந்து
கொள்ள வேண்டும்.
இவ்வாறு அதில் தெரிவிக்கப்பட்டுள்ளது.