மணவாள நகர்: மணவாள நகர் அருகே 'ஸ்கூட்டி' பைக் மீது மினி லாரி மோதிய விபத்தில், மகள் கண் முன்னே தாய் உயிரிழந்தார்.

கடம்பத்துார் ஒன்றியம் புதுவள்ளூர் கிராமம், பெருமாள் கோவில் தெருவைச் சேர்ந்தவர் ரவி மனைவி மஞ்சுளா, 53.

இவர், நேற்று முன்தினம் மாலை, மகள் வைஷ்ணவி, 23, என்பவருடன், 'ஸ்கூட்டி' பைக்கில் திருவள்ளூர் நோக்கி சென்று கொண்டிருந்தார்.

பாப்பரம்பாக்கம் கால்நடை மருத்துவமனை அருகே வந்தபோது, எதிரே வேகமாக வந்த மினி லாரி, ஸ்கூட்டி பைக் மீது மோதியது.

இதில், மஞ்சுளா சம்பவ இடத்திலேயே உயிரிழந்தார். படுகாயமடைந்த வைஷ்ணவியை அப்பகுதி மக்கள் மீட்டு, திருவள்ளூர் அரசு மருத்துவமனையில் சேர்த்தனர்.

இது குறித்து ரவி அளித்த புகாரின்படி, மணவாள நகர் போலீசார் வழக்கு பதிந்து விசாரித்து வருகின்றனர்.