சென்னை: ''பெண்களை உருவ கேலி செய்வது, தி.மு.க., வினரால் தொடர்ந்து நடத்தப்படுகிறது,'' என, சென்னை - மயிலாப்பூர் தொகுதி பா.ஜ., வேட்பாளர் தமிழிசை தெரிவித்தார்.

அவர் நேற்று அளித்த பேட்டி: பிரதமர் மோடியின் பல திட்டங்கள், தமிழகத்தில், 'காப்பி' அடிக்கப்பட்டுள்ளன. உதயநிதி அர்த்தம் இல்லாமல், முக்கிய விஷயங்கள் எதுவும் இல்லாமல், எதையோ பேசிக் கொண்டிருக்கிறார்.

பெண்களை உருவ கேலி செய்வது, தி.மு.க.,வினரால் தொடர்ந்து நடத்தப் படுகிறது. தி.மு.க., வினர், 8,000 ரூபாய் 'டோக்கன்' மாதிரியை கொடுத்து ஓட்டு சேகரிக்கின்றனர்.

மத்திய அரசின் நல்ல திட்டங்களை, தமிழகத்தில் முதல்வர் ஸ்டாலின் முடக்குகிறார். வி.சி.க., தலைவர் திருமாவளவன் குழப்பத்தின் உச்சத்தில் உள்ளார்.

அவர், துணை முதல்வர் பதவி கேட்டு விடுவார் என்பதால், தி.மு.க., அழுத்தம் கொடுத்தது. அதனால், அவர் காட்டுமன்னார்கோவில் தொகுதியில் போட்டியிடவில்லை.

வேங்கைவயல் விவகாரத்துக்குக் கூட நியாயத்தை வலியுறுத்தி போராடாத நிலையில் தான், அவர் தி.மு.க., கூட்டணியில் உள்ளார்.

மொத்தத்தில், தி.மு.க.,வின் அடிமையாக இருந்து கொண்டிருக்கிறார். ஆனால் அவர், எதிர் கூட்டணியை பார்த்து அடிமை என்கிறார். இவ்வாறு அவர் கூறினார்.