விழுப்புரம்: விழுப்புரம் மாவட்டத்தில், 7 தொகுதிகளின் தேர்தல் ஓட்டுச்சாவடி அலுவலர்களுக்கு, பயிற்சியளிப்பதற்காக, மின்னணு ஓட்டுப்பதிவு இயந்திரங்கள் அனுப்பும் பணி நடந்தது.

விழுப்புரம் பெருந்திட்ட வளாகத்தில் உள்ள தேர்தல் ஆணையத்தின் மின்னணு ஓட்டுப்பதிவு இயந்திரங்களுக்கான குடோனில் இருந்து, தேர்தலுக்காக, முதல் கட்டமாக 7 தொகுதிகளில் உள்ள ஓட்டுச்சாவடி தலைமை அலுவலர்கள் மற்றும் ஓட்டுச்சாவடி அலுவலர்களுக்கு பயிற்சிக்காக இயந்திரங்கள் எடுக்கப்பட்டது.

ஏற்கனவே முதல் கட்ட தேர்தல் பயிற்சி வகுப்பிற்காக, கடந்த ஜனவரி 1ம் தேதி 5 சதவீத மின்னணு ஓட்டுப்பதிவு இயந்திரங்கள் எடுக்கப்பட்டது.

இதன் தொடர்ச்சியாக, நேற்று இரண்டாம் கட்டமாக பயிற்சியளிப்பதற்கு 5 சதவீத ஓட்டுப்பதிவு இயந்திரங்கள் குடோனிலிருந்து எடுக்கப்பட்டு தொகுதிகளுக்கு அனுப்பி வைக்கப்பட்டது.

இதற்காக மாவட்ட தேர்தல் அதிகாரி ஷேக்அப்துல் ரஹ்மான் தலமையில், அரசியல் கட்சி பிரதிநிதிகளின் முன்னிலையில் குடோன் திறக்கப்பட்டு எடுக்கப்பட்டது.

டி.ஆர்.ஓ., அரிதாஸ், தேர்தல் பிரிவு அலுவலர்கள் ஜான்சிராணி, கணேஷ் உடனிருந்தனர்.