'தி.மு.க.,விடம் ஆட்சியில் பங்கு வேண்டும்' என, சர்ச்சையை ஏற்படுத்திய விருதுநகர் காங்., - எம்.பி., மாணிக்கம் தாகூரை தி.மு.க., தொடர்ந்து புறக்கணித்து வருகிறது. ஸ்டாலினின் விருதுநகர் தேர்தல் பிரசாரக் கூட்டத்திற்கு அவர் அழைக்கப்படவில்லை. இருப்பினும், விருதுநகர் மாவட்டத்தில் உள்ள ஆறு தொகுதிகளிலும், தி.மு.க., கூட்டணி வேட்பாளர்களுக்கு தேர்தல் பணியாற்றும்படி, தன் ஆதரவாளர்களுக்கு மாணிக்கம் தாகூர் உத்தரவிட்டார்.

ஆனால், சிவகாசி தொகுதி காங்., வேட்பாளர் அசோகன் தரப்பு, மாணிக்கம் தாகூர் ஆதரவாளர்களை புறக்கணித்து வருகிறது. தொகுதி தேர்தல் தலைமை அலுவலகத்தில், மாணிக்கம் தாகூர் படம், பெயர், பேனர்களில் இடம் பெறவில்லை. தி.மு.க.,வின் உத்தரவுபடி அசோகன் தரப்பு செயல்படுவதாக காங்., தொண்டர்கள் அதிருப்தி அடைந்துள்ளனர். இதுகுறித்து, கட்சி மேலிடத்திற்கு புகாரும் அனுப்பியுள்ளனர்.