திண்டிவனம்: திண்டிவனத்தில் இந்திய பல் மருத்துவ சங்கத்தின் கிளை கூட்டம் நடந்தது.

இந்திய பல் மருத்துவ சங்கத்தின், விழுப்புரம் கிளை சார்பாக இரண்டாவது பல் மருத்துவக் கல்வி நிகழ்ச்சி திண்டிவனத்தி உள்ள தனியார் மண்டபத்தில் நடந்தது.

புதுச்சேரி வெங்கடேஸ்வரா பல் மருத்துவ கல்லுாரியின் தாடை மற்றும் முக அறுவை சிகிக்சை உதவி பேராசிரியர் பாலசந்திரன் 'பல் மருத்துவத்தில் மருத்துவ அவசர நிலைகள் மற்றும் முதன்மை மேலாண்மை குறித்து' சிறப்புரையாற்றினார்.

விழாவில் பல் மருத்துவர்கள் மருத்துவர் சந்தானகிருஷ்ணன், பாலமுருகன், அருண், இளையராஜா, ராஜசேகர் உள்ளிட்ட பலர் பங்கேற்றனர். இதில் திண்டிவனம், செஞ்சி, விழுப்புரம் ஆகிய பகுதிகளிலிருந்து பல் மருத்துவர்கள் கலந்து கொண்டனர்.பல் மருத்துவர் இளையராஜா நன்றி கூறினார்.