புதுச்சேரி: பாரதிதாசன் 62வது நினைவு நாளையொட்டி, புதுச்சேரி அரசு சார்பில் அவரது சிலைக்கு முதல்வர் ரங்கசாமி மற்றும் அமைச்சர்கள் மாலை அணிவித்து மரியாதை செலுத்தினர்.

பாரதிதாசனின் 62-ஆவது நினைவு தினம் நேற்று கடைபிடிக்கப்பட்டது. இதனையொட்டி, புதுச்சேரி அரசு சார்பில் சிறப்பு மரியாதை செலுத்தும் நிகழ்ச்சிக்கு ஏற்பாடு செய்யப்பட்டிருந்தது.

புதுச்சேரி பாரதி பூங்காவில் அமைந்துள்ள அவரது உருவச்சிலைக்கு முதல்வர் ரங்கசாமி மலர் மாலை அணிவித்துத் தனது மரியாதையைச் செலுத்தினார். இதில், அமைச்சர் லட்சுமிநாராயணன், துணை சபாநாயகர் ராஜவேலு, எம்.எல்.ஏ.,க்கள் ஆறுமுகம், ரமேஷ் ஆகியோர் பங்கேற்று மலர் அஞ்சலி செலுத்தினர்.

இந்த நிகழ்வில் அரசு அதிகாரிகள், தமிழ் ஆர்வலர்கள் மற்றும் பல்வேறு இலக்கிய அமைப்புகளைச் சேர்ந்தவர்கள் கலந்துகொண்டனர்.