* சோழிங்கநல்லுார் தொகுதியில் ஓட்டு போட சென்ற சார்லஸ் என்ற இளைஞரின் ஓட்டு, ஏற்கனவே போடப்பட்டதாகக்கூறி, அவருக்கான ஓட்டு மறுக்கப்பட்டது. அவர், 'நான் போடவில்லை' என கண்ணீர் மல்க கூறியும், அவருக்கான ஓட்டுக்கான வாய்ப்பு வழங்கப்படவில்லை

* திரு.வி.க.நகர் தொகுதியில் ஓட்டு போட சென்ற அமுலு என்ற பெண்ணின் ஓட்டையும் மற்றொருவர் போட்டு விட்டதால், அவருக்கு ஓட்டு மறுக்கப்பட்டது. இதனால், அ.தி.மு.க., - த.வெ.க.,வினரிடையே வாக்குவாதம் ஏற்பட்டது

* ராயபுரம் தொகுதியை சேர்ந்த கண்ணன் என்ற வழக்கறிஞரின் ஓட்டும், ஏற்கனவே பதிவு செய்யப்பட்டு விட்டதால், அதிர்ச்சியடைந்த அவர், தேர்தல் நடத்தும் அதிகாரிகளிடம் வாக்குவாதத்தில் ஈடுபட்டார்

* மதுரவாயல் தொகுதியை சேர்ந்த உமா மகேஷ்வரி என்பவரது ஓட்டை மற்றொருவர் பதிவு செய்ததால், அவருக்கு ஓட்டு மறுக்கப்பட்டது

* இளைஞர்கள், பெண்கள் உள்ளிட்டோர் ஓட்டுகள், குறிப்பிட்ட கட்சிக்கு தான் போகும் என, அவர்களின் ஓட்டுகளை குறிவைத்து, பல தொகுதிகளில் கள்ள ஓட்டுகள் பதிவு செய்யப்பட்டுள்ளதாக கூறப்படுகிறது. அதேநேரம், தரமணியில் 40 வயது நபரின் ஓட்டை வேறு நபர் போட்டதால், அவருக்கு 'டெண்டர்' ஓட்டு பதிவு செய்யும் வசதி அளிக்கப்பட்டது.block_B

@block_Y@

* வேளச்சேரியில், 60 வயது பெண்ணின் ஓட்டை வேறு ஒரு பெண் போட்டு சென்றதாக எழுந்த பிரச்னையில், காங்., - அ.தி.மு.க.,வினர் இடையே கைகலப்பு ஏற்பட்டது. இதனால், அங்கு அரை மணி நேரம் ஓட்டுப்பதிவு தாமதமானதால், இதர வாக்காளர்கள் வரிசையில் காத்திருந்து அவதிப்பட்டனர்

* இ.சி.ஆர்., உத்தண்டியில், ஓட்டுச் சாவடியின் வெளியே, அ.தி.மு.க.,வினர் ஓட்டுச்சீட்டு வழங்கிய நிலையில், அதில் பணம் வைத்து கொடுப்பதாக, தி.மு.க.,வினர் அவற்றை பறித்ததுடன், பெண்களையும் அநாகரிகமாக பேசினர். இதனால், இரு தரப்பினர் இடையே தகராறு ஏற்பட்டது. பின், கானத்துார் போலீசில், அநாகரிகமாக பேசியதாக அ.தி.மு.க.,வினரும், ஓட்டுச்சீட்டுக்குள் பணம் வைத்து கொடுத்ததாக தி.மு.க.,வினரும் மாறிமாறி புகார் அளித்தனர்

* அண்ணா நகர் தொகுதியில், கீழ்ப்பாக்கம், செயின்ட் ஜார்ஜ் பள்ளியில், தி.மு.க., வேட்பாளர் சிற்றரசு மற்றும் நிர்வாகிகள் ஓட்டுச் சாவடிக்குள் சென்றனர். அப்போது, த.வெ.க., பூத் ஏஜென்டுகள் மற்றும் கட்சியினரும் உள்ளே செல்ல முயன்றபோது, அவர்களுக்கு அனுமதி மறுக்கப்பட்டது. இதனால் ஆத்திரமடைந்த த.வெ.க.,வினர் 30 பேர், கீழ்ப்பாக்கம் - பூந்தமல்லி நெடுஞ்சாலையில் மறியலில் ஈடுபட்டனர். போலீசார் பேச்சு நடத்திய பின், மீண்டும் ஓட்டுச்சாவடி மையத்திற்குள் சென்றனர்.block_Y


@block_P@

* தாம்பரம், பொழிச்சலுாரில் மின்னணு இயந்திரங்கள் பழுதானதால், 2 மணி நேரம் தாமதமாக ஓட்டுப்பதிவு துவங்கியது.

* பூந்தமல்லி நெடுஞ்சாலையில் உள்ள பிரின்ஸஸ் மெட்ரிக் பள்ளி ஓட்டுச்சாவடிகளில், இரண்டு மின்னணு இயந்திரங்களும் பழுதானதால், காலை 8:35 மணிக்கு நிறுத்தப்பட்ட ஓட்டுப்பதிவு, பழுதை சரி செய்த பின், மீண்டும் 8:50 மணிக்கு தொடங்கியது.

* அம்பத்துார் தொகுதிக்கு உட்பட்ட, அண்ணா நகர், சி.எஸ்.ஐ., இவார்ட்ஸ் பள்ளியில், காலை 10:30 மணியளவில், மின்னணு ஓட்டுப்பதிவு இயந்திரத்தில் கோளாறு ஏற்பட்டது. இரண்டு மணி நேரம் வரை ஓட்டுப்பதிவு நடைபெறாததால், வாக்காளர்கள் வரிசையில் காத்திருந்து சோர்வடைந்தனர். அதேபோல், பல்வேறு இடங்களிலும் ஓட்டுப்பதிவு இயந்திரங்கள் அவ்வப்போது பழுது ஏற்பட்டு, 10 நிமிடங்களில் சரி செய்யப் பட்டு ஓட்டுப்பதிவு தொடங்கியது.block_P
@block_P@

தமிழக சட்டசபை தேர்தல் நடந்த நேற்று, சுப முகூர்த்த நாள் என்பதால், பல இடங்களில் திருமணங்கள் நடந்தன. அதன்படி, ராமாபுரத்தை சேர்ந்த பாலகிருஷ்ணன் - காயத்ரி ஆகியோருக்கு, நேற்று திருமணம் நடந்தது. இருவரும், மணக்கோலத்தில் ஓட்டுப் பதிவு செய்தனர். திருமுடிவாக்கத்தை சேர்ந்த அருள் புகழேந்தி - கண்மணி தம்பதியும், மணக்கோலத்தில், அதே பகுதியில் இருக்கும் ஓட்டுச்சாவடியில் ஓட்டுப் பதிவு செய்தனர்.block_P

@block_B@

அம்பத்துார் தொகுதியில் போட்டியிடும் தி.மு.க., வேட்பாளர் பூர்ணிமாவுக்கு ஓட்டு போட்டதை, பெண் ஒருவர் வீடியோ எடுத்து, சமூக வலைதளங்களில் வெளியிட்டார். இதனால், தேர்தல் அதிகாரிகளுக்கு சிக்கல் ஏற்பட்டுள்ள நிலையில், அப்பெண் யார், எந்த ஓட்டுச்சாவடியில் வீடியோ எடுத்து பதிவிட்டார் என, தேர்தல் அதிகாரிகள் விசாரித்து வருகின்றனர்.block_B


@block_Y@

சென்னையில், பெரும்பாலான ஓட்டுச்சாவடிகளில் வாக்காளர்களை கவரும் வகையில், 'செல்பி பாயின்ட்' அமைக்கப்பட்டது. அங்கு, இளம் வாக்காளர்கள் முதல் பெரியவர்கள் வரை, ஓட்டு போட்ட பின், தங்கள் புகைப்படத்தை எடுத்து சமூக வலைதளங்களில் வெளியிட்டனர். அதேநேரம், அரும்பாக்கம், வில்லிவாக்கம் உள்ளிட்ட ஓட்டுச்சாவடிகளில், 'செல்பி பாயின்ட்' இல்லாததால், இளைஞர்கள், இளம்பெண்கள் ஏமாற்றமடைந்தனர்.block_Y

@block_B@

சேப்பாக்கம் - திருவல்லிக்கேணி தொகுதிக்கு உட்பட்ட சிந்தாதிரிப்பேட்டை ஆண்கள் பள்ளியில், வீல் சேர் வசதியும், அவற்றை இயக்க ஆட்கள் இருந்தும், உதவி செய்ய முன் வராததால், நடக்க முடியாதவர்கள், காலில் கட்டுப்போட்டு வந்தவர்கள் மிகுந்த சிரமத்தில் ஓட்டுப்பதிவு செய்தனர்.block_B