கடலுார்: வழக்கறிஞரை தாக்கியவர்கள் மீது நடவடிக்கை எடுக்கக்கோரி, கடலுார் பார் அசோசியேஷன் சார்பில் எஸ்.பி.,அலுவலகத்தில் மனு கொடுக்கப்பட்டது.

அந்த மனுவில் கூறியிருப்பதாவது:

புதுக்குப்பத்தைச் சேர்ந்தவர் செந்தில்குமார். வழக்கறிஞர். நெய்வேலி தொகுதியில் பூத் ஏஜன்டாக செயல்பட்ட போது சமூக விரோதிகளால் தாக்கப்பட்டார். கடலுார் தனியார் மருத்துவமனையில் சிகிச்சைக்காக சேர்க்கப்பட்டுள்ளார். அவரை தாக்கியவர்களை உடனடியாக கைது செய்ய வேண்டும். வழக்கறிஞர் செந்தில்குமாருக்கு உரிய பாதுகாப்பு அளிக்க வேண்டும்.

இவ்வாறு அதில் தெரிவிக்கப்பட்டுள்ளது.