சாயல்குடி: மூதாட்டியிடம் நகை பறித்த, கல்லுாரி மாணவியர் உட்பட, மூவரை போலீசார் கைது செய்தனர்.

ராமநாதபுரம் மாவட்டம், சாயல்குடி, நரிப்பையூரை சேர்ந்தவர் மாரியம்மாள், 86; தேர்தல் அன்று ஓட்டளித்து விட்டு, வீட்டில் மதியம் 2:00 மணிக்கு தனியாக இருந்தார். அங்கு வந்த இரு இளம்பெண்கள் உட்பட மூவர், அவரிடம் தண்ணீர் கேட்டனர்.

தண்ணீர் எடுக்க வீட்டிற்குள் சென்ற மாரியம்மாளை பின்தொடர்ந்த மூவரும், அவர் முகத்தில் மிளகாய் பொடியை துாவி, அவர் அணிந்திருந்த 7 சவரன் செயின், மோதிரம், கம்மலை பறித்து தப்பினர். சாயல்குடி போலீசார் விசாரித்தனர்.

அதில், துாத்துக்குடியை சேர்ந்த, 17, 18 வயது கல்லுாரி மாணவியர், மற்றும் கர்ணன், 25, ஆகிய மூவரும் இச்சம்பவத்தில் ஈடுபட்டது தெரிந்தது. இதையடுத்து மூவரையும், போலீசார் கைது செய்தனர்.