கோவை: தீயணைப்புத்துறை சார்பில், ஏலமிட வேண்டிய பழைய வாகனங்கள் குறித்த பட்டியல் தயார் செய்யப்பட்டுள்ளது.

கோவை மாவட்ட தீயணைப்புத்துறையில் கடந்த மூன்று மாதங்களில் ஐந்து தீயணைப்பு வாகனங்கள் புதிதாக கொள்முதல் செய்யப்பட்டு பயன்பாட்டுக்கு வந்துள்ளன. மாநில அளவில் புதிய வாகனங்கள் தேவை பட்டியல் பெறப்பட்டுள்ளது.

புதிய வாகனங்கள் வாங்குவதற்காக, பழைய வாகனங்களை ஏலத்தில் விட துறை அதிகாரிகளால் திட்டமிடப்பட்டுள்ளது.

தீயணைப்புத்துறை அதிகாரி ஒருவர் கூறுகையில், '15 ஆண்டுகளுக்கு மேல் ஒரு வாகனத்தை பயன்படுத்தக் கூடாது. இது போன்ற பழைய வாகனங்கள் அனைத்து தீயணைப்பு ஸ்டேஷன்களிலும் நிறுத்திவைக்கப்பட்டுள்ளன. பட்டியல் எடுத்துள்ளோம்; இவ்வாகனங்கள் ஏலத்தில் வாகனங்கள் விடப்பட்டு அதன் வாயிலாக வரும் தொகை கொண்டு புதிய வாகனங்கள் வாங்க அறிவுறுத்தப்பட்டுள்ளது' என்றார்.