கைவினை தொழிலுக்கான உயரிய விருதுகளையும் இவர் வென்றுள்ளார்.

மரங்களையும், அதன் மருத்துவ குணங்களையும் நன்கு அறிந்து வைத்துள்ள இவர், எந்த மரத்தில் என்ன வீட்டு உபயோக பொருட்களை செய்ய வேண்டும் என்பதை விளக்குவதில் தனி சிறப்பு பெற்றவர்.

மர சிற்பக் கலையை அடுத்த தலைமுறைக்கு கொண்டு செல்லும் நோக்கில், ஆர்வமுள்ள இளைஞர்களுக்கு பயிற்சி அளித்து வருகிறார்.

இந்நிலையில், தேசிய அளவில் கைவினைக் கலைஞர்களுக்கான போட்டியை, மத்திய அரசு அறிவித்துள்ளது. அதில் பங்கேற்க, 8 அடி உயரம், 4.25 அடி அகலம் கொண்ட ஒரே மரத்திலான பர்மா தேக்கில், மகா விஷ்ணு சிலையை வடித்து உள்ளார்.

பல நுணுக்கமான வேலைப்பாடுகள் கொண்ட அச்சிலையில், அஷ்ட லட்சுமிகள், கருடன், ஹனுமன், துவார பாலகர்கள், குதிரையில் தேவதத்தன், திருமங்கையாழ்வார் ஆகியோர் இடம் பெற்று உள்ளனர்.

கடந்த மூன்று மாத உழைப்பில், இச் சிலையை ஸ்ரீனிவாசராவ் வடித்துள்ளார்.


விரைவில், டில்லி யில் நடக்கவுள்ள போட்டியில், தமிழகம் சார்பில் இந்த சிலை இடம் பெற உள்ளது.


- -நமது நிருபர் -