மதுரை: பனை தொழிலாளி மீது எஸ்.ஐ., இசக்கி ராஜா துப்பாக்கிச்சூடு நடத்திய விவகாரம் குறித்து சப் கலெக்டர் விசாரணையை முடித்து ஜூன் 2ல் அறிக்கை தாக்கல் செய்ய வேண்டும் என ஐகோர்ட் மதுரைக்கிளை உத்தரவிட்டுள்ளது.


தென்காசி மாவட்டம், மருதம்புத்துாரில், கடந்த ஏப்., 8ம் தேதி, அதே பகுதியைச் சேர்ந்த பனை தொழிலாளி மணிகண்டன், சட்டவிரோதமாக கள் இறக்கியதாகவும், தகவலறிந்து சோதனைக்கு சென்ற போலீஸ் எஸ்.ஐ., துப்பாக்கிச்சூடு நடத்தினார்.

மகன் மீது எஸ்.ஐ., இசக்கி ராஜா துப்பாக்கிச்சூடு நடத்திய விவகாரம் தொடர்பாக சி.பி.ஐ., விசாரணை கோரி தந்தை பெருமாள் ஐகோர்ட் மதுரைக்கிளையில் மனுத்தாக்கல் செய்தார். இந்த வழக்கை இன்று (ஏப்ரல் 28) நீதிபதி புகழேந்தி விசாரித்தார்.



அப்போது, தென்காசி சப்- கலெக்டர் வைஷ்ணவி பால் ஆஜராகி விசாரணை நடந்து கொண்டிருக்கிறது என்றார். பிறகு, ''சப் கலெக்டர் விசாரணையை முடித்து ஜூன் 2ல் அறிக்கை தாக்கல் செய்ய வேண்டும் என நீதிபதி உத்தரவிட்டு வழக்கு விசாரணையை ஒத்திவைத்தார்.