சென்னை: 'தமிழகத்தில், தேனி, திண்டுக்கல் உட்பட ஏழு மாவட்டங்களில், இன்று கனமழை பெய்ய வாய்ப்புள்ளது' என, வானிலை ஆய்வு மையம் தெரிவித்துள்ளது.

அதன் அறிக்கை:

மஹாராஷ்டிரா மாநிலம், விதர்பா முதல், தமிழகத்தின் குமரிக்கடல் வரை, வளி மண்டலத்தில், காற்றழுத்த தாழ்வு பகுதி நிலவுகிறது.

இதன் காரணமாக, தமிழகத்தில் சில இடங்கள் மற்றும் புதுச்சேரியில், இன்று இடி, மின்னலுடன், மிதமான மழை பெய்ய வாய்ப்புள்ளது.

தேனி, திண்டுக்கல், கரூர், திருச்சி, நாமக்கல், ஈரோடு, நீலகிரி, மாவட்டங்களில், சில இடங்களில், இன்று இடி, மின்னலுடன், கன மழை பெய்யக்கூடும்.

தமிழகம் மற்றும் புதுச்சேரியில், சில இடங்களில், இன்று இயல்பை விட, 3 டிகிரி செல்ஷியஸ் கூடுதலாக வெப்பம் பதிவாக வாய்ப்புள்ளது.

சென்னை மற்றும் புறநகர் பகுதிகளில், இன்று வானம் ஓரளவு மேகமூட்டமாக காணப்படும். அதிகபட்ச வெப்பம், 39 டிகிரி செல்ஷியஸ் ஆக பதிவாக வாய்ப்புள்ளது.

இவ்வாறு அதில் கூறப்பட்டுள்ளது.