சென்னை : சென்னை மற்றும் அதை சுற்றியுள்ள மாவட்டங்களில் உள்ள, 'ஸ்டார்ட் அப்' நிறுவனங்களுக்கு கடன் கிடைக்க, தமிழக அரசு முகாம் நடத்த உள்ளது.

தமிழகத்தில் உள்ள 'ஸ்டார்ட் அப், நிறுவனங்களுக்கு நிதியுதவி, முதலீடு மற்றும் கடன் கிடைக்க ஏற்பாடு உள்ளிட்ட பல்வேறு உதவிகளை தமிழக அரசின் 'ஸ்டார்ட் அப் டி.என்.,' நிறுவனம் செய்கிறது. இந்நிறுவனம், சென்னை, செங்கல்பட்டு, காஞ்சிபுரம், திருவள்ளூரில் உள்ள, 'ஸ்டார்ட் அப்' நிறுவனங்களுக்கு கடன் கிடைப்பதற்காக, கடன் முகாம் நடத்த உள்ளது. இதில், பல வங்கிகள் பங்கேற்க உள்ளன.

இந்த முகாமில் பங்கேற்க விரும்பும் நிறுவனங்கள், 'form.startuptn.in/CAMCH' தளத்தில் விண்ணப்பிக்க வேண்டும். இதற்கு, வரும், 22ம் தேதி கடைசி நாள். முகாம் நடக்கும் தேதி, நேரம், இடம் பின்னர் அறிவிக்கப்படும்.