கள்ளக்குறிச்சி: கள்ளக்குறிச்சி அரசு ஆண்கள் பள்ளி எதிரே வேகத்தடை அமைக்க நடவடிக்கை எடுக்க வேண்டும்.

கள்ளக்குறிச்சியில் கச்சிராயபாளையம் சாலையில் அரசு ஆண்கள் மேல்நிலைப் பள்ளி அமைந்துள்ளது. இச்சாலை வாகன போக்குவரத்து மிகுதியான சாலையாக உள்ளது. சில நேரங்களில் வாகனங்கள் அசுர வேகத்தில் செல்லும் போது மாணவர்கள் மற்றும் ஆசிரியர்கள் சாலையை கடக்க மிகுந்த சிரமப்படுகின்றனர்.

காலை மற்றும் மதிய உணவு இடைவேளை நேரங்களில் அவ்வப்போது சாலையை மாணவர்கள் அச்சத்துடன் கடக்கின்றனர்.

மாணவர்களின் நலன் கருதி அரசு பள்ளி முன் வேகத்தடை அமைக்க நடவடிக்கை எடுக்க வேண்டும்.