மதுரை: தாம்பரம் - போடி இடையே கோடை சிறப்பு ரயிலை தெற்கு ரயில்வே அறிவித்துள்ளது.

மே 23, 30, ஜூன் 6, 13 (சனி தோறும்) இரவு 10:30 மணிக்கு தாம்பரத்தில் இருந்து புறப்படும் சிறப்பு ரயில் (06059), மறுநாள் காலை 11:15 மணிக்கு போடி செல்கிறது.

மறுமார்க்கத்தில், மே 24, 31, ஜூன் 7, 14 (ஞாயிறு தோறும்) மாலை 4:45 மணிக்கு புறப்படும் சிறப்பு ரயில் (06060), மறுநாள் காலை 6:30 மணிக்கு தாம்பரம் செல்கிறது.

மூன்று 'ஏசி' இரண்டடுக்கு படுக்கை வசதிப் பெட்டிகள், ஒரு 'ஏசி' மூன்றடுக்கு படுக்கை வசதிப் பெட்டி, 12 ஸ்லீப்பர் பெட்டிகள், 3 பொதுப் பெட்டிகள், 2 மாற்றுத் திறனாளிகளுக்கான பெட்டிகளுடன் இயக்கப்படுகிறது.தேனி, ஆண்டிபட்டி, உசிலம்பட்டி, மதுரை, கொடை ரோடு, திண்டுக்கல், திருச்சி, தஞ்சை, திருவாரூர், பேரளம், மயிலாடுதுறை, சிதம்பரம், திருப்பாதிரிப்புலியூர், விழுப்புரம், செங்கல்பட்டு ஸ்டேஷன்களில் நின்று செல்லும்.

இன்று (மே 21) காலை 8:00 மணிக்கு முன்பதிவு தொடங்குகிறது.