திருப்பூர், மே 22–

பத்தாம் வகுப்பு தேர்ச்சியின் முந்தைய ஆண்டை விட, 2.82 சதவீத தேர்ச்சியை அரசு பள்ளிகள் உயர்த்தி காட்டியுள்ளன. அரசு பள்ளி தலைமை ஆசிரியர், மாணவர்களின் இந்த பங்களிப்பால், தேர்ச்சி சதவீதம், 17வது இடத்தில் இருந்து பத்தாவது இடத்துக்கு வந்துள்ளது.



திருப்பூர் மாவட்டத்தில் உள்ள, 148 அரசு பள்ளிகளில், 2025ம் ஆண்டு, 12 ஆயிரத்து, 550 பேர் பத்தாம் வகுப்பு தேர்வெழுதினர். இவர்களில், 11 ஆயிரத்து, 510 பேர் தேர்ச்சி பெற்றனர். மொத்த தேர்ச்சி சதவீதம், 91.71.



நடப்பாண்டில், 148 அரசு பள்ளிகளை சேர்ந்த, 12 ஆயிரத்து, 13 பேர் தேர்வெழுதினர். 11 ஆயிரத்து, 356 பேர் தேர்ச்சி பெற்றனர். மொத்த தேர்ச்சி சதவீதம், 94.53. இது கடந்தாண்டை காட்டிலம், 2.82 சதவீதம் அதிகம். கடந்தாண்டு அரசு பள்ளியில், 1,040 பேர் தேர்ச்சி பெறாத நிலையில், நடப்பாண்டு இது, 657 ஆக குறைந்துள்ளதாக, கல்வித்துறையினர் கூறினர்.