புதுடில்லி: இந்தியாவில் சுற்றுப்பயணம் மேற்கொண்டு வரும் சைப்ரஸ் அதிபர் நிகோஸ் கிறிஸ்டோடோலிடிஸ், டில்லியில் பிரதமர் மோடியை சந்தித்து பேசினார்.

பிரதமர் மோடியின் அழைப்பின் பேரில், கடந்த மே 20ம் தேதி அரசு முறைப்பயணமாக மும்பை வந்த இவர், 23ம் தேதி வரை இந்தியாவில் பல்வேறு நிகழ்ச்சிகளில் பங்கேற்று வருகிறார். அரசுமுறைப் பயணத்தின் ஒரு பகுதியாக, பிரதமர் மோடியை சைப்ரஸ் அதிபர் நிகோஸ் சந்தித்து பேசினார். அப்போது, இரு நாடுகளுக்கும் இடையிலான இருதரப்பு உறவுகளை விரிவுபடுத்துவது குறித்து இரு தலைவர்களும் விரிவான பேச்சுவார்த்தை நடத்தினர். தொடர்ந்து, பிரதமர் அளிக்கும் மதிய விருந்தில் அவர் பங்கேற்கிறார்.

மேலும், ஜனாதிபதி திரௌபதி முர்மு, அதிபர் கிறிஸ்டோடோலிடிஸை ராஷ்டிரிய பவனில் வரவேற்று அதிகாரப்பூர்வ இரவு விருந்தளிக்க உள்ளார். அதன்பிறகு, வெளியுறவுத் துறை அமைச்சர் ஜெய்சங்கரை சந்திக்க இருக்கிறார்.