காஞ்சிபுரம்: காஞ்சிபுரம் விளக்கடிகோவில் தெரு, கீரை மண்டபம் பேருந்து நிறுத்தம் நிழற்குடையில், சேதமடைந்த நிலையில் உள்ள இருக்கைகளை சீரமைக்க வேண்டும் என, பயணியர் வலியுறுத்தி வருகின்றனர்.

காஞ்சிபுரம் விளக்கடிகோவில் தெரு, கீரை மண்டபம் பேருந்து நிறுத்தத்தில், 2019 – 20ம் நிதியாண்டில், அப்போதைய காஞ்சிபுரம் தி.மு.க., – எம்.எல்.ஏ., எழிலரசன் ஒதுக்கீடு செய்த நிதியில், நவீன பயணியர் நிழற்குடை அமைக்கப்பட்டது.

காஞ்சிபுரம் பேருந்து நிலையம், உத்திரமேரூர், வந்தவாசி வழித்தடத்தில் செல்லும் பேருந்தில் பயணிக்கும் பயணியர், இந்த நிழற்குடையை பயன்படுத்தி வருகின்றனர்.

இந்நிலையில், நிழற்குடையில் மூன்றாக இணைக்கப்பட்டுள்ள இரு பிரிவு இருக்கைகள் உடைந்த நிலையில் உள்ளன. இதனால், பயணியர் இருக்கையில் அமர முடியாமல் நிற்க வேண்டிய சூழல் உள்ளது.

எனவே, உடைந்த நிலையில் உள்ள இருக்கைகளை சீரமைக்க, மாநகராட்சி நிர்வாகம் நடவடிக்கை எடுக்க வேண்டும் என, பயணியர் வலியுறுத்தி வருகின்றனர்.