வேளாங்கண்ணி; விவசாய கடன் தள்ளுபடியானது, ரிசர்வ் வங்கி அறிவுறுத்தலின்படியே செய்யப்பட்டுள்ளன. கடந்த ஆட்சியில் விவசாய கடன் தள்ளுபடி விவகாரத்தில் ரிசர்வ் வங்கியின் கட்டுப்பாடுகள் எதுவும் இல்லை என்று நிதி அமைச்சர் மரியவில்சன் கூறி உள்ளார்.

அவர் அளித்த பேட்டி; திமுக ஆட்சியில் நிதி மேலாண்மை குறித்து வெள்ளை அறிக்கை தாக்கல் செய்வதற்கான பணிகள் தீவிரமாக மேற்கொள்ளப்பட்டு வருகின்றன. 2 வாரங்களில் தாக்கல் செய்வோம். வெள்ளை அறிக்கையில் பல விஷயங்கள் சொல்லக்கூடிய வகையில் இருக்கும்.

அனைத்துத் துறைகளில் ஆய்வுக்கூட்டங்கள் மேற்கொள்ளப்பட்டு வருகின்றன. தணிக்கை அறிக்கைகளை கேட்டுள்ளேன். குறிப்பாக மதுரை மாநகராட்சியில் ஊழல் பற்றிய ஆதாரங்கள் சேகரிக்கப்பட்டு உள்ளன. அனைத்தும் விரைவில் வெளியிடப்படும்.

தேர்தல் பிரசாரத்தின் போது பல்வேறு தரப்பில் இருந்து எங்களுக்கும் பல விஷயங்களை தெரிவித்து உள்ளனர். திமுக ஆட்சியில் ரூ.1000 உரிமைத்தொகை வடமாநிலத்தவருக்கும் கொடுத்துள்ளனர் என்று எங்களிடம் கூறி இருக்கின்றனர். அதை என்னிடம் தெரியப்படுத்தி உள்ளனர். இது தொடர்பாக அறிக்கை கேட்டுள்ளோம். சம்பந்தப்பட்ட துறையில் இருந்து விரைவில் எங்களுக்கு தரப்படும்.

விவசாய கடன் தள்ளுபடியானது, ரிசர்வ் வங்கி அறிவுறுத்தலின்படியே செய்யப்பட்டுள்ளன. கடந்த ஆட்சியில் விவசாய கடன் தள்ளுபடி விவகாரத்தில் ரிசர்வ் வங்கியின் கட்டுப்பாடுகள் எதுவும் இல்லை.

2021ம் ஆண்டு அதிமுக ஆட்சி அறிவித்துவிட்டு போனதை அதன் பின்னர் வந்த திமுக ஆட்சி பல்வேறு தவணைகளாக அறிவித்து தள்ளுபடி செய்து நடைமுறைப்படுத்தியது. 2024ல் ரிசர்வ் வங்கி ஒரு புதிய விதிமுறை சொல்லி இருக்கிறது. 45 நாட்களுக்கு கடனை தள்ளுபடி செய்ய வேண்டும் என்று எங்களுக்கு நேரம் கொடுத்துள்ளனர்.அதனையொட்டியே இந்த முடிவு எடுத்துள்ளோம்.

திருத்தப்பட்ட நிதிநிலை அறிக்கையில் மகளிர் உரிமைத்தொகை பற்றிய விவரங்கள் தெரிய வரும். இது ஒரு ஜனநாயக நாடு. யாரும் எந்த கட்சியிலும் சேர்ந்து கொள்ளலாம். அந்த அடிப்படையில் அதிமுகவினர் தவெகவில் இணைகின்றனர். அதை வரவேற்க வேண்டும்.

இவ்வாறு நிதியமைச்சர் மரியவில்சன் கூறினார்.

தினமலர் நேரலை!

விரைவில் வெள்ளை அறிக்கை: பல விஷயங்கள் வெளிவரும்; அமைச்சர் மரிய வில்சன் பரபரப்பு பேட்டி; தினமலர் வெப்சைட் மற்றும் யூடியூப் சேனலில் நேரலை ஒளிபரப்பு செய்யப்பட்டது.

முழு பேட்டியை பார்க்க இங்கே கிளிக் செய்யவும்