சென்னை: முதல்வர் விஜய் தலைமையில் முதல் அமைச்சரவை கூட்டம் இன்று (ஜூன் 05) நடந்தது. கூட்டத்தில் இடைக்கால பட்ஜெட், தேர்தல் வாக்குறுதியில் அறிவிக்கப்பட்ட திட்டங்களை நிறைவேற்றுவது உள்ளிட்டவை குறித்து விவாதிக்கப்பட்டது.

தமிழக சட்டசபை தேர்தலில், நடிகர் விஜயின் தமிழக வெற்றிக் கழகம், 108 தொகுதிகளில் வென்று தனிப்பெரும் கட்சியாக உருவெடுத்தது. காங்., வி.சி.க., இடதுசாரி ஆதரவுடன், முதல்வராக, கடந்த மாதம், 10ல் விஜய் பதவியேற்றார். முதல்வர் விஜயுடன் சேர்த்து, அமைச்சரவையில் மொத்தம், 35 பேர் உள்ளனர்.


இந்நிலையில், முதல்வர் விஜய் தலைமையில் முதல் அமைச்சரவை கூட்டம், சென்னை தலைமை செயலகத்தில் இன்று காலை, 10:00 மணிக்கு நடந்தது. இதில் இடைக்கால பட்ஜெட் உள்ளிட்டவை குறித்து விவாதிக்கப்பட்டது என வட்டாரங்கள் தெரிவிக்கின்றன. இதனால் முக்கிய அறிவிப்பு ஏதும் வெளியாகுமா என்ற எதிர்பார்ப்பு எழுந்துள்ளது.

தினமலர் நேரலை; வீடியோ பாருங்கள்!

முதல்வர் விஜய் தலைமையில் முதல் அமைச்சரவை கூட்டம்; தினமலர் வெப்சைட் மற்றும் யூடியூப் சேனலில் நேரலை ஒளிபரப்பு

வீடியோவை பார்க்க இங்கே கிளிக் செய்யவும்