செய்யூர், ஜூன் 8-–

மதுராந்தகத்தில் இருந்து செய்யூர் நோக்கி சென்ற அரசு பேருந்து, திடீர் கோளாறு ஏற்பட்டு நடுவழியில் நின்றதால் பயணியர் அவதிப்பட்டனர்.

மதுராந்தகத்தில் இருந்து செய்யூர் வரை செல்லும் தடம் 6 எண் கொண்ட அரசு பேருந்து இயக்கப்பட்டு வருகிறது.

இந்த பேருந்து நேற்று காலை 15 பயணியருடன் மதுராந்தகத்தில் இருந்து செய்யூர் நோக்கி சென்றது. சித்தாமூர் பகுதியில் சென்றபோது திடீரென பேருந்தில் கோளாறு ஏற்பட்டு பாதி வழியில் நின்றது. இதனால், பயணியர் கடும் அவதிப்பட்டனர். அரைமணி நேரத்திற்கு பின் மாற்று பேருந்தில் அனுப்பி வைக்கப்பட்டனர்.

மதுராந்தகம் டெப்போவில் இருந்து கிராமபுறங்களுக்கு கண்டமான பேருந்துகளை இயக்குவதால், அடிக்கடி பழுதாகி நிற்கும் நிலை தொடர்கிறது.

எனவே, போக்குவரத்து துறை அதிகாரிகள் ஆய்வு செய்து, புதிய பேருந்துகளை இயக்க வேண்டும் என பயணியர் கோரிக்கை விடுத்துள்ளனர்.